Öd daşının bitki ilə müalicəsi var

A A A medicus sum modern.az a istinadən  Bu gün elə xəstəliklər var ki, onlar insanların əksər hissəsini narahat edir. Öd xəstəlikləridə bu qəbilədəndir.

Məsələ ondadır ki, insanlar bu xəstəlikdən çıxış yolu kimi cərrahi müdaxiləni əsas götürürlər. Bəs, təbabət bu xəstəliyin öhdəsindən gələ bilirimi?

Avropa Təbiət Elmləri və Asiya Ayurvediya Assosasiyasının üzvü, dərman birtkiləri üzrə elmi işçi  terapevt-fitoterapevt Elnur Rəhimov bu xəstəliklə bağlı fikirlərini bölüşür.  

- Əslində, öd daşı xəstəliyi cərrahi profilə aid olan xəstəlikdir. Deməli, risk qruplarını nəzərə alsaq bu xəstəlik əməliyyat yolu ilə öd kisəsi xaric olunması ilə müalicəsi bitir.

Amma bitirmi?

- Bəli, əksər xəstələr var ki əmliyatdan sonra da ağrılarının hələ də davam etməsini müşahidə edir. Öd daşı birdən birə yaranmır.  Öd daşı çox hallarda əlamətsiz keçirir və müayinələr zamanı təsadüfı tapıntı kimi müəyyən olunur. 

Əlamətlər adətən böyük daşlardan birinin öd kisəsi axarını, eləcə də ümumi öd axarının blok edən zaman yaranır. Amma onu bilin ki, lal daş deyilən bir xəstəlik yoxdur, xəstəlik əlamət verməsə belə mədəaltı vəzin işini yavaş-yavaş pozmağa başlayır.

Ona görə də adını lal daş qoyub üstündən keçməyin. 

Əksəriyyəti də xolesterol daşları sayılır, məhz bunları əritmək daha rahatdır. Rentgenoneqativ daşları əridə bildiyimiz kimi...

İlk olaraq daşlar ən kiçik milli metrlərlər olduqda və qatılaşma olduqda üstünə düşmək lazımdır.

Nəzərə alsaq ki ödün  çox hissəsi qaraciyərdə əmələ gəlir, elə buna görə də müalicədə qaraciyərin də funksiyasını normallaşdırmaq vacibdir. Öd daşının fitoterapevtik yolla müalicəsi üçün geniş istifadə olunan reseptləri sizinlə paylaşmaq istəyirəm.

Azərbaycana gəldiyim müddətdə 84 öd daşı əritməklə müalicə olunmasına köməkçi olmuşam.

İlkin mərhələ müalicəsi:
Bu müalicədə xəstənin çəkisi, klinikası və öd daşının ölçüsü önəmlidir.
Zeytun yağı - 1 çay qaşığı
Maqnezium-sulfat dues - 1/2 şay qaşığı
Limon şirəsi 1 xörək qaşığı
Su 100 ml
Qarışdırılır və hər səhər yeməkdən 45 dəq əvvəl istifadə edilir.
Bu müalicə ilk ayda 14 gün, 2-ci ayda 20 gün və əgər 3-cü ayda davam edərsə (çoxlu daş və ölçü kifayət qədər böyük olarsa 5 mm dən) 10 gün istifadə edilir.
Bu müalicəylə yanaşı Alaqanqal toxumunun yağı 1 xörək qaşığı olmaqla 1 dəfə hər axşam yeməkdən öncə istifadə edilir.

Həmçinin Ənginar və şahtərə bitkilərinin dəmləməsindən gündə 3 dəfə yeməkdən sonra daxilə qəbul məsləhətdir.

İkinci mərhələdə
Alaqanqal toxumu - 20 q
Zəncirotu kökü - 10 q
İstiotlu nanə yarpağı - 10 q
Dəfnə yarpağı -  15 q

Qeyd olunan miqdarda bu bitkilərdən götürülür 400 ml qaynar suda dəmlənir. 200 ml 2 dəfə yeməkdən 30 dəq əvvəl qəbul olunur.
Yanaşı olaraq bu müalicə etapında Zəyərək yağı 1 xörək qaşığı hər axşam yeməkdən əvvəl qəbul olunur.

Sonuncu mərhələdə ən kiçik ölçülər qalıbsa və artıq öd təmizləmə müalicəsi aparılır. Bu zaman Teaxolin çayı 2 paket 1 stəkanda dəmləməklə gündə 3 dəfə eyni qayda ilə yeməkdən əvvəl 20 gün daxilə qəbul olunur.  

İtburnu şirəsini alma sirkəsiylə 1:2 nisbətində hazırlanıb gündə 2 dəfə 1 çay qaşığı yeməkdən sonra qəbul etmək olar.
Həmçinin öd tubajı həyata keçirilir. Tubaj proseduru qaraciyərdaxili öd durğunluğunun qarşısını alaraq, ödün öd yollarında hərəkətini asanlaşdırır və onikibarmaq bağırsağa tökülməsini təmin edir. Səhər acqarına ödqovucu Teaxolin çayı içilir və 30 dəqiqə sonra 38-40°C-dək qızdırılmış alma və ya üzüm şirəsi, ya 2-5 xörək qaşığı zeytun yağı, ya da yarım stəkan isti suda həll edilimiş 1 xörək qaşığı bal qarışığı qəbul edilir. Bundan sonra sağ qabırğa altı nahiyəyə isti istiqac (qrelka) qoyulub, sağ tərəf üstə 1,5-2 saat müddətinə yorğana bürünüb uzanılır. Lakin bu müddətdə yatmaq olmaz! Prosedur qurtardıqdan sonra dərindən nəfəs alınır və səhər yeməyi yeyilir.

Öd daşı olanlar USM müayinəsi olunmalıdır, əgər daş varsa bu prosedur qətiyyən olmamalıdır.

Məşhur balqabaq şirəsinə gəldikdə isə bunu öd daşı və bilirubin yüksəkliyi zamanı etmək olmaz.

Üçüncü mərhələdə 10 gün öd daşı çox hallarda əlamətsiz keçirir və müayinələr zamanı təsadüfı tapıntı kimi müəyyən olunur. 

Əlamətlər adətən böyük daşlardan birinin öd kisəsi axarını, eləcə də ümumi öd axarının blok edən zaman yaranır. Bu zaman günün 1-ci yarsı 100 ml şirəni içmək olar.
Ev şəraitində hər kəsin istifadə edə biləcəyi bu müalicə zamanı hansı yeməklərin qəbul ediləcəyi də sizdə maraq doğurur.

Birdən-birə çəki almaq və ya itirmək olaz, çünki hər iki halda öd daşı əmələgəlmə riski artır. Bol su içməyi unutmayın!

Maqnezium (badam, keçibuynuzu), fol turşusu (Kahı) və C (itburnu, qarağat) vitaminli qidalarda istifadə edilməlidir, bu mineralların az olması öd daşının yaranmasını artırır. Çəkilmiş ətdən hazırlanmış yeməklərin sayının minimuma endirmək lazımdır. Hər gün 3-4 ədəd iydə yemək mütləqdir. Acı şalğam suyu gündə 2 dəfə qəbul etmək tövsiyə olunur.
Ümumiyyətlə, tez-tez orqanizmdə daş əmələgəlməyə meyilli olanla cəfəri kökünün dəmləməsindən istifadə edə bilər.
Öd daşı artıq kabus və həmən əməliyyata qaçıracaq bir xəstəlik deyil. Bu xəstəliyin risk qrupu daha çox qadınların olmasını nəzərə alsaq müalicə üçün diqqət və səbr tələb olunur. Digər öd daşı əriyən insaların sırasına daxil omaq üçün mərhələlərlə bu müalicələrdən faydalanmaq olar.

modern.az

Read More

Ürək Damar Xəstəlikləri

medicus sum  modern.az a istindən
Ürək-damar sistemi xəstəlikləri hər zamankı kimi indi də ilk sıralarda yer tutur.

Bu xəstəliklər niyə bu qədər artır ki və buna şərait yaradan faktorlardan necə uzaq ola bilərik?

Tibbin ən yaxşı inkişaf etmiş sahələrindən biri də Kardiologiyadı və Azərbaycanda da bu sahədə dünya səviyyəli ixtisaslı kadrlar az deyil.

Hər bir inkişafı nəzərə alsaq, əksinə xəstə və risk qrup sayları artmaqda davam edir. Gündəlik istifadə olunan qidaların enerji paylanması azalıb, mübadilə prosesi zəifləyib, aktiv həyat tərzi bir iş həyatın keçib, yəni həftədə iki dəfə idmanla məşğul olsaq orqanizmə kömək etmiş olarıq kimi yanlış düşüncələr və s.

Bizim orqanizmin işləmə saatı 24-dür və bu zaman fizioloji olaraq tələbat qanununa uyğun çalışır. Çalışma sırasında orqanizmə lazım olanları azaldacağıqsa, risk qurpu və bunu davam etdirəcəyiksə “Xəstə” qrupuna çevrilə bilirik.

Ürək-damar xəstəliklərində daha işemik xəstəliklər – Miokard infarktı, Ateroskleroz, Stenokardiya (Döş inağı) daha çox yer tutur.

Burda istifadə olunan dərmanlar isə təzyiqi normallaşdıran, xolesterolu nizamlayan, qanı durulaşdıran, ürək pompası ilə böyrək arasında dəqiqəlik maye həcminə nəzarət edən müalicələr tətbiq edilir. Bir ömür boyu 3 və ya 4 qrup dərmanları içmək məcburiyyətində qalmaqdansa ona öncədən yardım etmək lazımdır. Sinir faktoru da əlavə olunuqda sakitləşdirici bir dərman da qəbul etməli oluruq.

İndi əksər insan piylənmədən deyil, metaboli sindromdan əziyyət çəkir.

Metabolik sindrom; qarında çevrəsinin böyük olması, qanda  triqiliseridlərin miqdarının 150  mg/dL və daha  yüksək olması, yaxşı xolesterolun (HDL) miqdarının qadınlarda 50 mg/dL, kişilərdə isə 40 mg/dL-dən az olması, sistolik qan təzyiqinin 130 millimetr civə sütunu (mmHg)  və daha çox olması, diastolik qan təzyiqinin 85 mmHg və daha çox olması, qanda qlükozanin 100 mg/dL və daha çox olması, insulinə rezistentlik və ya qlükoza intoleransi (bədən insulin və qan şəkərini uyğun olaraq istifadə edə bilmir).

Bəs, bunun qarşısını necə ala bilərik? Dənəli bitkilərdən, Sarımsaq, limon, dəfnə yarpağı, qreyprfrut, güləm, yemişan meyvəsi və s istifadə etmək lazımdır.

Reseptlər:

Sarımsaq 10 baş (əzmək)

Limon şirəsi 1 litr

20 gün qarışdırıb saxlamaq və gündə 1 xörək qaşığı 2 dəfə yeməkdən sonra qəbul etmək. Mədə xorası olanlar diqqətli olmalıdır. Yeməkdən əvvə l- 2 dəfə zəyərək toxumu dəmləyib istifadə edilməlidir.

Xolesterin yüksəkliyi zamanı:

Zəncirotu kökü 20 q

Yemişan meyvəsi 10 q

Rozmarin 5 q

Qara zirə toxumu 5 q

Götürülüb 200 ml də 20 dq dəmlənib 2 dəfə 100 ml yeməkdən sonra qəbul olunur.

Antikoaqulyant (qan durulaşdırıcı) effektə malik bitkilərdən istifadə məsləhətdir.

Ginqko biloba yarpağı 5 q

Ağ söyüd yarpağı 10 q

Şabalıd çiçəyi 10 q

Qarışdırıb 300 ml də 40 dəq dəmləyib 100 ml 3 dəfə daxilə qəbul olunur.

Sakitləşdirici tərkib:

Melissa 80 q

Lavanda 60 q

Çiçək tozu 100 q

Damotu 80 q

500 q bala qarışdırılır gündə 1 desert qaşığı 2 dəfə yeməkdən sonra yeyilir.
modern.az

Read More

Ürək Damar Xəstəliklərind

Ürək-damar sistemi xəstəlikləri hər zamankı kimi indi də ilk sıralarda yer tutur.

Bu xəstəliklər niyə bu qədər artır ki və buna şərait yaradan faktorlardan necə uzaq ola bilərik?

Tibbin ən yaxşı inkişaf etmiş sahələrindən biri də Kardiologiyadı və Azərbaycanda da bu sahədə dünya səviyyəli ixtisaslı kadrlar az deyil.

Hər bir inkişafı nəzərə alsaq, əksinə xəstə və risk qrup sayları artmaqda davam edir. Gündəlik istifadə olunan qidaların enerji paylanması azalıb, mübadilə prosesi zəifləyib, aktiv həyat tərzi bir iş həyatın keçib, yəni həftədə iki dəfə idmanla məşğul olsaq orqanizmə kömək etmiş olarıq kimi yanlış düşüncələr və s.

Bizim orqanizmin işləmə saatı 24-dür və bu zaman fizioloji olaraq tələbat qanununa uyğun çalışır. Çalışma sırasında orqanizmə lazım olanları azaldacağıqsa, risk qurpu və bunu davam etdirəcəyiksə “Xəstə” qrupuna çevrilə bilirik.

Ürək-damar xəstəliklərində daha işemik xəstəliklər – Miokard infarktı, Ateroskleroz, Stenokardiya (Döş inağı) daha çox yer tutur.

Burda istifadə olunan dərmanlar isə təzyiqi normallaşdıran, xolesterolu nizamlayan, qanı durulaşdıran, ürək pompası ilə böyrək arasında dəqiqəlik maye həcminə nəzarət edən müalicələr tətbiq edilir. Bir ömür boyu 3 və ya 4 qrup dərmanları içmək məcburiyyətində qalmaqdansa ona öncədən yardım etmək lazımdır. Sinir faktoru da əlavə olunuqda sakitləşdirici bir dərman da qəbul etməli oluruq.

İndi əksər insan piylənmədən deyil, metaboli sindromdan əziyyət çəkir.

Metabolik sindrom; qarında çevrəsinin böyük olması, qanda  triqiliseridlərin miqdarının 150  mg/dL və daha  yüksək olması, yaxşı xolesterolun (HDL) miqdarının qadınlarda 50 mg/dL, kişilərdə isə 40 mg/dL-dən az olması, sistolik qan təzyiqinin 130 millimetr civə sütunu (mmHg)  və daha çox olması, diastolik qan təzyiqinin 85 mmHg və daha çox olması, qanda qlükozanin 100 mg/dL və daha çox olması, insulinə rezistentlik və ya qlükoza intoleransi (bədən insulin və qan şəkərini uyğun olaraq istifadə edə bilmir).

Bəs, bunun qarşısını necə ala bilərik? Dənəli bitkilərdən, Sarımsaq, limon, dəfnə yarpağı, qreyprfrut, güləm, yemişan meyvəsi və s istifadə etmək lazımdır.

Reseptlər:

Sarımsaq 10 baş (əzmək)

Limon şirəsi 1 litr

20 gün qarışdırıb saxlamaq və gündə 1 xörək qaşığı 2 dəfə yeməkdən sonra qəbul etmək. Mədə xorası olanlar diqqətli olmalıdır. Yeməkdən əvvə l- 2 dəfə zəyərək toxumu dəmləyib istifadə edilməlidir.

Xolesterin yüksəkliyi zamanı:

Zəncirotu kökü 20 q

Yemişan meyvəsi 10 q

Rozmarin 5 q

Qara zirə toxumu 5 q

Götürülüb 200 ml də 20 dq dəmlənib 2 dəfə 100 ml yeməkdən sonra qəbul olunur.

Antikoaqulyant (qan durulaşdırıcı) effektə malik bitkilərdən istifadə məsləhətdir.

Ginqko biloba yarpağı 5 q

Ağ söyüd yarpağı 10 q

Şabalıd çiçəyi 10 q

Qarışdırıb 300 ml də 40 dəq dəmləyib 100 ml 3 dəfə daxilə qəbul olunur.

Sakitləşdirici tərkib:

Melissa 80 q

Lavanda 60 q

Çiçək tozu 100 q

Damotu 80 q

500 q bala qarışdırılır gündə 1 desert qaşığı 2 dəfə yeməkdən sonra yeyilir.

Read More

Böyrək xəstəliyi və müalicəsi.

-

medicus sum saglamolun.az istinadən xəbər verirki

Düzgün qidalanma. Böyrəklər ət və digər zülal mənşəli qidaları, xüsusən də onların daha tez-tez hallarda və çox miqdarda qəbul edilməsini “sevmirlər”.

Bütün artıq zülallar və onların parçalanma məhsulları, təbii ki, böyrəklər vasitəsi ilə xaric olunmalıdır ki, bu da onların xeyli dərəcədə yüklənməsinə səbəb olur.

Məhz buna görə hazırda dəbdə olan, lakin heç bir ölçü daxilində balanslaşdırılmamış şəkildə tətbiq edilən zülali pəhrizlər böyrəklər üçün zərərli hesab olunur. Belə pəhrizlər son nəticədə zülal mübadiləsinin pozulmasına da səbəb ola bilər. Xarici tərəfdən hər böyrək xüsusi piyli kapsula ilə əhatə olunmuşdur ki, bu da onun daha isti, daha yumşaq və daha təhlükəsiz şəkildə qorunmasını təmin edir. Bu piy qatı böyrəkləri zərbələrdən, soyuqdan qoruyur, onun təbii vəziyyətinin saxlanmasına kömək edir. Ona görə də kəskin şəkildə arıqlamaq da böyrəklər üçün zərərli hesab olunur. Pəhriz nəticəsində piylər orqanizmdən xaric edilir və bu zaman böyrəklər praktiki olaraq “lüt” və müdafiəsiz qalır.

Böyrəklər alkoqollu içkilərdən sui-istifadə edilməsini “sevmirlər”. Bu zaman orqanizm onları nəinki parçalamalı, həmçinin onların qalıqlarını da bədəndən böyrəklər vasitəsi ilə xaric etməli olur. Bundan başqa, alkoqol orqanizmin susuzlaşmasına da səbəb olur. Əvvəlcə böyrəklərdən üçqat həcmdə maye keçir – bu zaman orqanizm alkoqolu tez bir zamanda bədəndən xaric etmək üçün özündə olan mayenin xeyli hissəsini sərf etməli olur. Bundan sonra isə bədəndə su qıtlığı yaranır, qan qatılaşır və nəticədə onun böyrəklər tərəfindən filtrasiya edilməsi (süzülməsi) xeyli dərəcədə çətinləşir. 
Xeyli miqdarda duzlu qidaların qəbul edilməsi orqanizmdə su-duz tarazlığının pozulmasına səbəb olur. Bu zaman onu da yadda saxlamaq lazımdır ki, duzdan tam şəkildə imtina edilməsi də (ondan artıq miqdarda istifadə edilməsində olduğu kimi) böyrək çatışmazlığı ilə nəticələnə bilər. İnsan duzdan norma həddində istifadə etməlidir. Adətən, bu norma miqdarı bizim gündəlik qəbul etdiyimiz miqdardan üç dəfə az olur. Biz yaddan çıxarırıq ki, duz bütün qidaların (hətta şirniyyatların) tərkibində olur. Yeməklərə duzu az vurun (!) – siz buna tez bir zamanda öyrəşəcək və onların dadını daha yaxşı hiss edəcəksiniz.

Böyrəklər yüngül sidikqovucu və sidik yollarına dezinfeksiyaedici təsirə malik olan məhsulları və bitkiləri çox “sevirlər”. Bunlara xiyar, balqabaq, cəfəri, şüyüd, kərəviz, itburnu, tozağacı şirəsi, çiyələk, ciyələk yarpağı və digər bu kimi məhsulları aid etmək olar.

Qarpız yeyilməsi böyrəklərin çox yaxşı təmizlənməsinə səbəb olur. Qarpız şirəsi ilk növbədə bədəni su ilə doydurur, onu maye ilə tam təmin edir, qanı durulaşdırır, sonra isə zərərli maddələrlə zənginləşmiş məhlulları böyrəklərdəki süzgəclərdən keçirməklə onları qanın tərkibindən tez bir zamanda asanlıqla təmizləyir və bədəndən xaric edir.
- Böyrək xəstəliklərinin, o cümlədən də böyrək daşı xəstəliyinin qarşısını almaq üçün, gün ərzində qəbul edilən maye həcmi 2 litrdən (buraya suplar da daxildir) az olmamalıdır. Ancaq gün ərzində bu həcmdə maye qəbul edilməsi yalnız bədəndə gizli və ya açıq şişkinliklər, böyrək və ya ürək çatışmazlığı olmadığı hallarda yerinə yetirilə bilər.

Heç bir halda bədənin susuzlaşmasına imkan verməyin, isti havalarda bu xüsusən vacib hesab edilir. Bədənin susuzlaşması zamanı bədəndə su-duz mübadiləsindəki tarazlıq pozulur, qan qatılaşır və böyrəklərin onu zərərli maddələrdən təmizləməsi prosesi də xeyli çətinləşir. Əgər siz yanğı hiss etməyə başlayırsınızsa, demək, orqanizmdə susuzlaşma prosesi artıq gedir və böyrəklər də əziyyət çəkməkdədirlər. Ona görə də gün ərzində maye qəbulunu az-az olmaqla daha tez-tez qəbul etməyə çalışın. Həkimlə məsləhətləşmədən heç bir mineral suyu, xüsusən də güclü şəkildə minerallaşmış suları (əgər onlar böyrək xəstəliklərinin müalicəsi üçün nəzərdə tutulsa da) gün ərzində 0,5 litrdən artıq miqdarda qəbul etmək olmaz. Çünki onların tərkibində olan bu və ya digər duzların miqdarı normadan xeyli artıq olur ki, bu da daş əmələ gəlməsinə kömək edə bilər.

- Xroniki infeksiya ocaqları (karioz dişlər, badamcıqların xroniki iltihabı – xroniki tonzillit, adenoidlər, haymorit və s.) böyrəklərə mənfi təsir göstərir. Bu infeksiyalar zəif dərəcədə olsa da, daimi olaraq intoksikasiyaya (zəhərlənmə) səbəb olurlar. Böyrəklər isə öz funksıyalarına uyğun olaraq bu toksik maddələri daim təmizləməlidirlər. Bundan başqa, bu ocaqlarda olan mikroblar qan dövranı ilə böyrəklərə çatdırılaraq onlarda iltihabi prosesin başlanmasına da səbəb ola bilərlər. Tez-tez baş verən anginalar böyrəklər üçün daha qorxulu hesab olunur. Çünki onlar əksər hallarda böyrəklərdə iltihabi prosesin başlamasına səbəb olurlar. Məhz buna görə də keçirilən hər bir kəskin angina xəstəliyindən sonra mütləq sidiyin müayinəsini etmək lazımdır.

- Mədə-bağırsaq və cinsiyyət sisteminin iltihabi xəstəliklərinin vaxtında müalicə edilməsi. Bu, qadınlar üçün daha vacib hesab edilir, çünki onların anatomik və fizioloji xüsusiyyətlərindən asılı olaraq infeksiya bağırsaqlardan və cinsi üzvlərdən çox asanlıqla sidik ifrazedici sisteminə keçə bilər. Qadınlarda böyrək xəstəliklərinin kişilərə nisbətən daha çox təsadüf edilməsinin səbəbi də məhz bununla izah olunur.

- Sidik kisəsinin tam dolması və qəbizlik insan orqanizminə mənfi təsir göstərir. Əgər insan normal həcmdə maye qəbul edirsə, o, gün ərzində 4-6 dəfə olmaqla sidik kisəsini boşaltmalıdır. Əgər siz bunu daha az sayda edirsinizsə, kifayət qədər su qəbul etmədiyiniz barədə düşünməlisiniz. Yadda saxlamaq lazımdır ki, sidik kisəsinin boşaldılması üçün son ana qədər dözmək də lazım deyil. Belə ki, sidik kisəsi həddindən artıq dolduqda, sidiyin bir hissəsi sidik axarları vasitəsi ilə yenidən böyrəklərə tərəf qaytarıla bilər ki, bu da onlar üçün zərərli hesab edilir. 
Qəbizliklərə gəldikdə isə məlumdur ki, bu zaman bağırsaqda zərərli maddələr yığılır və orqanizmin zəhərlənməsi baş verir. Tənəffüsün çətinləşməsi, yorğunluq və dərinin xoşagəlməz vəziyyəti də bunu sübut edir. Bədəndən xaric olmaq əvəzinə bağırsaqda olan zərərli maddələr qana sorularaq təkrar-təkrar böyrəklərdən keçirlər. Böyrəklər lazım olduqda bir-birini əvəz edə bilsələr də, bağırsaqlarda yığılıb qalan zəhərli maddələrin filtrasiya edilməsinin (süzülməsinin) öhdəsindən gələ bilmirlər. 
- Böyrəklər istini “sevir”, soyuğu isə “xoşlamırlar”. Bədəndə tez-tez baş verən soyumalar, soyuq və nəm otaqda yaşamaq hiss edilmədən böyrəklərin xroniki iltihabına səbəb ola bilər. Soyuq suda, yaş paltarda (məsələn, dənizdə dincəldiyi zaman) uzun müddət qalmaq olmaz. Soyuq qış günlərində mümkün qədər isti geyinmək, uzun gödəkçələrə üstünlük vermək lazımdır.

- İmmun sisteminin zəifləməsi böyrəklər üçün də zərərlidir. Həddindən artıq yorğunluq, güclü fiziki və mənəvi gərginliklər orqanizmin müqavimətini xeyli dərəcədə zəiflətmiş olur. Bunun nəticəsində orqanizmin immun sistemi, xaricdən bədənə daxil olan və ya bədən daxilində daimi olaraq məskunlaşmış olan mikrobların zərərsizləşdirilməsinin öhdəsindən gələ bilmir, bu isə orqanizmdə müxtəlif orqanların və böyrək xəstəliklərinin inkişaf etməsinə səbəb ola bilər.

- Böyrəklər hərəkəti – bədən tərbiyəsini, rəqs edilməsini də “sevir”. Belə ki, hərəkət bədəndə qan dövranının artmasına - sürətlənməsinə, həmçinin böyrəklərin də qanla təchizatının yaxşılaşmasına səbəb olur. Ancaq onu da yaddan çıxarmaq lazım deyil ki, ağır fiziki işlərlə və ya həddindən artıq idmanla məşğul olarkən orqanizm özünü bərpa etməyə çatdırmır və bu, orqanizm üçün xeyirli faktor hesab edilə bilməz.

- Böyrəklər quru isti havanı çox “sevirlər”. İstidə böyrək damarları da genişlənir, böyrəklərin qan dövranı yaxşılaşır. Quru isti hava böyrəklər üçün xüsusilə xeyirli hesab olunur. Çünki belə şəraitdə insan intensiv şəkildə tərləməyə başlayır. Bu zaman adi halda böyrəklər tərəfindən xaric edilməli olan zərərli maddələrin bir hissəsi tər vasitəsi ilə xaric olur və böyrəklərin işi bir qədər yüngülləşir. Böyrək xəstələri üçün nəzərdə tutulan kurortlarda iqlim məhz isti və quru olur ki, bu da xəstələrin daha çox tərləməsinə səbəb olur. Böyrəkləri sağlam olanlar üçün sauna çox xeyirli hesab olunur

medicus sum

Read More

Mastopatiya nədir?

sagalamolun.az istinadən Mastopatiya - süd vəzisində olan xoşxassəli törəmələrdir. Mastopatiya zamanı süd vəzisində ölçüsü noxud böyüklüyündən başlayaraq, qoz böyüklüyünə qədər olan kiçik düyünlər əmələ gəlir.

Bu düyünlər vaxtaşırı olaraq yaranır, inkişaf edir, kiçilir və yox olurlar. Bir çox hallarda həkim tərəfindən onlara “mastopatiya” diaqnozu qoyulduğunu eşidən qadınlar bu xəstəliyə elə də xüsusi diqqət yetirmirlər. Əksər qadınlar arasında bu xəstəliyə çox təsadüf edildiyindən, onu “adi” xəstəlik hesab edirlər. Bəs həqiqət necədir? Bu zaman narahat olmağa dəyərmi? Əlbəttə, dəyər! Məsələ burasındadır ki, mastopatiya fonunda süd vəzisində həm xoşxassəli, həm də bədxassəli şişlər inkişaf edə bilər. Mastopatiya

 əsasən dölyaratma yaşında (25-45 yaş) inkişaf edir. Çox gənc qız uşaqlarında olan mastopatiya isə əksər hallarda, onların orqanizmində hormonal fonun yaşa uyğun olaraq yenidən qurulması ilə əlaqədar yaranmış olur.

Mastopatiyanın ilk əsas səbəbi qadın orqanizmində hormonal tarazlığın pozulmasıdır. Məlum olduğu kimi, aybaşı tsikli (dövrü) hormonlarla tənzimlənir. Süd vəzisi hormon asılılıqlı üzvlərə aiddir. Onun toxuması aybaşı tsiklinin (dövrünün) mərhələlərinə uyğun olaraq müxtəlif dəyişikliklərə uğrayır. Bundan başqa, süd vəzisinin toxumasına böyrəküstü vəzilər, qaxanvari vəzi, mədəaltı vəzi və hipofiz vəzi hormonları da müəyyən təsir göstərirlər. Buna görə də sadalanan orqanların hər hansı birinin xəstəliyi süd vəzilərində də müəyyən dəyişikliklərin əmələ gəlməsinə səbəb ola bilər.

Mastopatiyanın əmələ gəlməsi üçün “şərait yaradan” faktorlardan biri qadın orqanizminin hormonal sisteminə kobub şəkildə müdaxilə olan abortlar (uşaqsalmalar) hesab edilir. İkinci belə faktor isə qadın cinsi üzvlərinin xəstəlikləridir. Süd vəziləri digər dölyaradıcı üzvlərlə (uşaqlıq, yumurtalıqlar) vahid sistemə daxildirlər. Buna görə də həmin bu sistemdə baş verən hər hansı nasazlıq və pozğunluqlar süd vəzilərinə də öz mənfi təsirlərini göstərirlər.

Mastopatiyanın əmələ gəlməsinə səbəb olan üçüncü əsas faktor isə sinir sistemində baş verən müxtəlif nevroloji pozğunluqlardır (streslər, daimi sinir gərginlikləri, depressiyalar).

Piylənmə, spirtli içkilərin qəbul edilməsi, siqaret çəkilməsi, gecikmiş hamiləlik, şəkərli diabet, süd vəzilərinin müxtəlif travmatik təsirlərə (çox sıx alt paltarların geyilməsi nəticəsində əmələ gələn mikrotravmalar, zərbə, yıxılma, sıxılma və s.) məruz qalması və digər bu kimi faktorlar da mastopatiyanın əmələ gəlməsinə “kömək edən” səbəblərdir.

Süd vəzilərinə zərərli təsir edən faktorlardan biri də həddən artıq dərəcədə qəbul edilən təbii və ya süni günəş vannaları (xüsusən də çimərlik paltarı geyinmədən) hesab edilir.

Mastopatiya zamanı süd vəzilərində kifayət qədər yumşaq olan törəmələr və ya müxtəlif ölçülü düyünlər əmələ gəlir. Aybaşı başlamazdan qabaq onlar ağrılı olaraq qoltuqaltı sahəyə də yayıla bilərlər. Nəzarətsiz buraxılmış formalarda bu ağrılar daimi xarakter alaraq, hətta süd vəzilərinə yüngülcə toxunuş zamanı da arta bilərlər. Mastopatiya zamanı süd vəziləri gilələrindən ağ, sarı, yaşıl rəngə çalan və bəzən də müəyyən iyi olan maye də ifraz oluna bilər.

Mastopatiyanın diffuz və düyünlü formaları olur. Mastopatiyanın düyünlü forması, adətən, 35 yaşdan yuxarı olan qadınlarda təsadüf edilir və süd vəzisinin xərçənginə də keçə bilir. Mastopatiya diaqnozu qoyulmuş qadınlar onkoloji cəhətdən yüksək risk qrupuna aid edilərək mütəmadi olaraq onkoloq-mammoloq tərəfindən müayinə olunmalıdırlar. Lazım olduğu hallarda onlara USM və mammoqrafiya təyin edilir.

Orta hesabla qadınların 50%-i süd vəzilərində olan bərkimə sahələrini özləri aşkar edirlər. Bu isə onlara vaxtında düzgün diaqnoz qoyulması ehtimalını artırır və hətta süd vəzi xərçəngi kimi çox təhlükəli hesab edilən bir xəstəliyin də müvəffəqiyyətlə müalicə olunmasına imkan verir. Məhz buna görə, mütəmadi olaraq, fərdi qaydada qadınların öz süd vəzilərini müayinə etmələri çox vacib hesab edilir.

Bəs mastopatiya xəstəliyi necə müalicə oluna bilər?

İlkin dövrlərində bu xəstəlik asanlıqla və tez bir zamanda müalicə olunur. Məhz buna görə də xəstəliyin ilkin əlamətləri aşkar edilən kimi, təxirə salınmadan həkim-mammoloqa müraciət etmək lazımdır. Süd vəziləri praktiki olaraq heç bir halda öz xəstəliklərinin səbəbkarı olmurlar. Mastopatiyaların əsas səbəbləri əksər hallarda hormonal pozğunluqlar, müxtəlif ginekoloji, nevroloji və digər xəstəliklər olur. Beləliklə, mastopatiyanın müalicəsində əsas məsələ - qadın orqanizmində məhz hansı pozğunluğun onun inkişaf etməsinin səbəbkarı olduğunu müəyyən etməkdən ibarətdir. Bu səbəb müəyyən edildikdən və aradan götürüldükdən sonra süd vəzilərinin vəziyyəti də yaxşılaşmış olur. Cərrahi əməliyyatın aparılması isə yalnız aşkar edilməsi gecikdirilmiş olan, düyünlü mastopatiyalar zamanı tələb olunur.

Hal-hazırda süd vəziləri xəstəliklərinin profilaktikası üçün tərkibində A, E, C vitaminləri, selen və yod mikroelementləri olan bir sıra dərman preparatları və komplekslər hazırlanmışdır. Bundan başqa, süd vəziləri xəstəliklərinin profilaktikası üçün dəniz məhsulları, kələm, kök, tərkibində xeyli miqdarda sellüloz olan meyvələr və digər qidalar mütəmadi olaraq qəbul edilən qida məhsulları sırasına daxil edilməlidir.

Read More