Xərçəngin səbəbləri!

Xerçeng - Xerçengin yaranma sebebleri nedir?

Böyük Britaniya tarixində xərçəng üzrə aparılan ən miqyaslı araşdırma göstərir ki, xəstələrin 40 faizində aşkar olunmuş xərçəng alkoqol, siqaret çəkmə və qeyri-düzgün qidalanma ilə bağlıdır. Birləşmiş Krallıqda hər il xərçəng diaqnozu 130 min adama qoyulur. Araşdırma 1993-cü ildən 2007-ci ilədək toplanan məlumatlara əsaslanır. Onkoloji problemlər üzrə Cancer Research UK təşkilatının statistikasına istinadən əsas risk amilini siqaret təşkil edir. Siqaretə aludəçilik 23% kişi və 15,6% qadında xərçəngin başlanmasına səbəb olur, deyilir yeni tədqiqatda. İkinci riski rasionda meyvə-tərəvəzin çatışmazlığı təşkil edir. «Bir çoxları xərçəngin genlə ötürülməsini düşünərək bu xəstəliyə tutulmanı bəxtin gətirmədiyi kimi görürlər»,-tədqiqatçı Max Parkin deyib. Onun sözlərinə görə, əldə edilən məlumatlara nəzər salınsa xəstələrin 40 faizində xərçəngin həyat tərzi ilə bağlı olduğu ortaya çıxır. Araşdırma müəllifləri xərçəngə tutulmamaq üçün kişilərə daha çox meyvə-tərəvəz yeməklə yanaşı içkinin azaldılmasını, qadınlara isə çəki problemlərinə diqqət verməyi məsləhət görürlər. Onkoloqlar xərçəng xəstəliyinə səbəb olan 14 amili qeyd edirlər.Onların hamısı ekologiya və həyat tərzi ilə əlaqəlidir.
Kişilərdə xərçəng əsasən meyvə-tərəvəzin rasionda çatışmazlığı(6.1%), peşə fəaliyyəti (4.9%), spirtli içkilər (4.6%), artıq çəki (4.1%), uzun müddət günəş altında qalmaq və ultrabənövşəyi şüaların təsiri (3.3%) nəticəsində yaranır.
Qadınlarda xərçəngə təkan verən artıq çəki və piylənmə (96.9%), infeksiyalar(3.7%), günəş altında uzunmüddətli qalma (3.6%), rasionda meyvə-tərəvəzin çatışmazlığı (3.6%) və alkoqlol (3.3%) amilidir. 100 xəstədən 25-i xəstəliyə ekoloji baxımdan qeyri-sağlam mühitdə işlədiyi üçün tutulur. Döş xərçənginin 10 faizi isə artıq çəki və ya piylənmə ilə əlaqəlidir, deyilir yeni araşdırmada.
Bəzi xərçəng növlərinə ayrıca təkan verən amil yoxdur və o, daha çox ümumi həyat tərzi ilə bağlıdır.

Read More